Работилници/обуки

Работилниците се создадени со цел да им овозможат на организациите да изградат свесност за потребата за безбедна и сигурна работна средина во која се негува поврзаност и припаѓање.

Секоја обука се гради врз основа на поливагалната теорија која објаснува како нашата физиолошка состојба влијае на нашите чувства, мисли и однесување.

Со развивање на свесност за нервниот систем учиме како да се донесеме во состојба на сигурност и подобра поврзаност со нашите соработници.  Знаејќи како да ги препознаеме знаците на стрес или повлекување кај себе и кај другите, можеме да преземеме чекори за успешно да се регулираме во таа релација. 

На овој начин допринесуваме за поздрава и балансирана работна средина, во која:

• Вработените се асертивни и самоуверени,
• Конфликтите се решаваат полесно и побрзо
• Одлуките се донесуваат во регулирана состојба и навремено
• Вработените се сензитивирани за своите и туѓите потреби и работната средина е поддржувачка наместо застрашувачка
• Комуникацијата е отворена и заемна, а мотивацијата за работа е стабилна
• Соработката во тимови и помеѓу нив е ефикасна
• Вработените умеат да го регулираат нивото на стрес и работата под притисок

Искуството ми покажа дека овој принцип на работа е лесно прифатен и сфатен од од секој клиент, независно дали во индивидуален или групен работен сетинг.  Клиентите лесно се пронаоѓаат во различните теми,  учествуваат ангажирано во обуката и оптимистично приоѓаат кон изнаоѓањето на решение за своите состојби. 

Работилниците се наменети за секој работен профил и секое ниво во структурата на организацијата.  Дизајнот на обуките се креира во согласност со специфичните потреби за развој на вработените на секој клиент. 

Побарајте консултација доколку ви се потребни повеќе информации.