Работилница: Враќање во рамнотежа

6 седмична групна работилница за балансирање на реакциите на нервниот систем и олеснување на стресните симптоми

Работилницата „Враќање во рамнотежа“ од својот старт во октомври 2023 до денес, гордо брои 3 успешно завршени групи и вкупно 18 учесници.

На секој од нив топло им благодарам за довербата и за впуштањето во ново искуство со група, врз основа на кое и оваа работилница стана уште подобар и комплетен продукт на интензивна работа на себе.

Преработена, зајакната и дополнета, во продолжение погледнете ја програмата планирана за 4тата група која стартува на 1ви октомври, 2024та година.

Станувате свесни дека,

Можеби се чувствувате анксиозни, прегорени, збунети, преплавени или заглавени, дома или на работното место. Можеби не успевате да се опуштите и по завршувањето на стресниот период, како да сте постојано загрижени или повлечени во себе. Сигурно сте се обиделе на различни начини да си помогнете, но ефектите биле краткотрајни.

Можеби сакате подобри односи со вашите блиски, со децата, со партнерите, со колегите на работа. Посакувате помалку реактивност и иритабилност во релациите со нив, а повеќе спонтаност и опуштена комуникација.

Можеби чувствувате дека нешто треба да промените во начинот на кој се однесувате со себе но не знаете каде да почнете. Барате да си ја продлабочите работата на себе преку пракса која го уважува и умот и телото и духот.

Која и да е вашата приказна, добредојдени сте на оваа групна работилница.

Стресната реакција на нашиот систем не е штетна и ние не сме ненормални поради овие реакции.

Секој ваш симптом, реакција, потреба, чувство и мисла, прават смисла и имаат повод да се појават како реакција на стресен настан.

Уште поважно, ДОБРО е што се појавиле бидејќи претставуваат интелигентна заштитна реакција на телото од закана. Вашиот нервен систем работи многу вредно за да ве одбрани од опасности и да ве одржи во живот и секогаш кога е неопходно ќе стартува стресна реакција во телото, по предвидлив биoлошки ред.

Но, понекогаш оваа заштитна состојба трае премногу долго, не држи дисбалансирани и предизвикува хроничност во симптомите и додатни компликации на здравјето.

На оваа работилница,

ќе се поврзете со нервниот систем и ќе се запознаете со начинот на кој вашето тело реагира во услови на стрес, како се манифестира и како се одразува на вас, во околината и во односите со другите.

Низ групна работа и многу вежби ќе ги откриете предизвикувачките сигнали за стресните реакции кај вас.

И следствено, низ личната работа во групата ќе му овозможите на вашиот нервен систем да научи нови и поадекватни начини на реакција, ќе го прекинете заморниот циклус на хроничен стрес и ќе научите многу олеснувачки техники за балансирање и релаксација.

Штом ќе се повлече стресната реакција, телото се враќа во рамнотежа, се регенерира, се одмора и се отвора за безбедно поврзување и задоволство во комуникација со другите, со природата, со светот, со духот…

Приклучи се

Ќе усвоите начини на балансирање на стресните реакции и враќање на рамнотежата во системот, за подобро здравје и повеќе задоволство во секојдневието.

Ќе се среќаваме и работиме еднаш седмично, 6 седмици, на 3 часовна групна сесија. Сесиите ќе се одржуваат со физичко присуство, во приватност и мир, во просторијата на Sense of Self.

Во мала група, од 6 учесници,

Низ интензивни групни и индивидуални вежби и учење, секој учесник ќе може да навлезе темелно во својата работа и да го искористи максимумот од присуството на сесијата. Сите материјали ќе ви бидат обезбедени на почеток на работилницата и по секоја сесија, а вашето портфолио со изработени активности ќе си го задржите на крајот на работилницата. Групата е доволно мала за секој од вас да го извлече максимумот од секоја сесија – да може да изработи лична работа, со посветено внимание од терапевтот и со поддршка на групата. На првата сесија на работилницата ви се назначува партнер од истата група со кој ќе можете подлабоко и поинтензивно да ги разработите своите увиди.

Предзнаење или искуство во работата со нервниот систем не се воопшто неопходни за вклучување во работилницата. За сите теми ќе отвораме заеднички дискусија и ќе ги добиете сите потребни основи за практично да примените искуства.

Програмата за работилницата е базирана на поливагалниот пристап во терапија и коучинг. Секоја сесија е структурирана со конкретна тема, вежби и лична работа. Секоја домашна задача и тема за дискусија со вашиот поливагален партнер ја добивате на групната средба.

Сите активности се организирани и управувани од мене, Ана Стојановска, психотерапевт и коуч со повеќе различни квалификации. Прочитајте повеќе за мене овде.

Приклучи се

Сесија 1

Запознавање со групата и програмата. Препознавање на основните состојби на нервниот систем низ соматски вежби и правење на првата автономна мапа. Започнуваме да го учиме јазикот на нервниот систем, да ги распознаваме знаците на нерамнотежа во телото и да ги поврзуваме со состојбата на нашиот нервен систем.

Сесија 2

Секој симптом покажува што се случува со нервниот систем. Истражуваме какви ситуации, активности, постапки ги предизвикуваат симптомите во телото и не донесуваат во стресна ситуација. Правење на мапа на провокации и блесоци. Вежбање на враќање во состојба на рамнотежа преку регистрирање на позитивни искуства.

Сесија 3

Познавајќи ги подобро состојбите на нервниот систем и како се манифестираат на индивидуално ниво, на оваа сесија веќе креираме исцрпна мапа на регулирачки ресурси – техники и активности кои ни помагаат да ги олесниме симптомите на стрес во телото и да му помогнеме на нервниот систем да се врати во регулација.

Сесија 4

Враќање во рамнотежна состојба преку ко-регулација со други нервни системи (група, терапевт). Поставување на поквалитетни меѓусебни релации преку учење како да бидеме урамнотежени во предизвикувачки ситуации ( на работа, дома, со децата, со партнерите) и да ги забележуваме и туѓите знаци на стресна состојба.

Сесија 5

Формирање на јасни патеки на движење помеѓу состојбите на нервниот систем преку креативни вежби, констелации и континууми. Учење на нови начини на реакција во старите стресни ситуации. Забележување на промените во телото и во реакциите на сесија и помеѓу сесиите.

Сесија 6

Интеграција на новото и активна примена во лична и групна практична работа. Прифаќање на промените и формирање на нова персона, вратена во рамнотежа, балансирана и поотпорна, флексибилна во стресните реакции на телото. Завршување на циклусот со групна церемонија.

Како учесник во работилницата добивате:

1 индивидуална сесија пред почетокот на работилницата (за запознавање и подготовката за старт)
18 часови лична работа во група (се среќаваме еднаш седмично, во траење од 3 часа, 6 седмици по ред)
6 часови работа во пар (на секој учесник му е назначен поливагален партнер, пар од групата, со кој работи на различни задачи и ја продлабочува дискусијата, по 1 час седмично)аписки и коучинг техники на поливагална и гешталт методологија
6 домашни задачи (инструирани вежби за континуирана работа на себе помежу сесиите, по 1 задача седмично)
Учење низ психотераписки и коучинг техники на поливагална и гешталт методологија
Печатен прирачник со текстови, вежби и простор за рефлексии во кој секој учесник индивидуално си внесува увиди и искуства од сесиите
Временски неограничен пристап до дополнителни материјали (видеа, предавања, книги) за оние кои сакаат потемелно да навлезат во материјата на поливагален баланс
Влез во вибер група, која служи за 24 часовна поддршка и дискусија помеѓу членовите на групата и терапевтот, во тек и по завршувањето на работилницата.
Сертификат за успешно завршена работилница

Сакам да се приклучам!

Вашата седмична посветеност на работилницата изгледа вака

3 часа групна сесија во Sense of Self (од 17.30 – 20.30, секој четврток)
1 час онлајн дискусија со поливагалниот партнер (во времето кое парот ќе си договори)
(15 – 45мин) 1 рефлективна вежба за работа на себе
Секое дополнително време и енергија за прегледување на споделените материјали е опционално и зависи од вашата потреба за повеќе информации

Учесниците на работилницата се посветуваат,

Да се обидат да присуствуваат редовно, на секоја сесија и со физичко присуство, бидејќи видео запис и онлајн пренос нема да се прави во заштита на приватноста на дискусиите.

Како член на група која се оформува околу личен раст и развој, се посветувате на чување на приватноста и интимноста на својата и на дискусиите на другите членови на групата.

На работилницата “Враќање во рамнотежа” за прв пат се запознав со поливагална психотерапија. Овие 6 недели, колку што траеше работилницата ми беа многу вредно искуство во запознавање на мојот нервен систем. Работата во група беше истовремено и предизвикувачка и интересна, колку многу можеме да дознаеме за себе препознавајќи се во туѓите искуства. Сознанието дека не сме сами, но сами можеме да си помогнеме да се чувствуваме подобро, е едно од нештата што ме враќа во баланс. Вежбите што ги работевме на сесиите ми помогнаа да научам што е тоа што му е потребно на мојот нервен систем за да се ослободам од секојдневниот стрес и да се вратам во состојба на мир и радост. Не е лесно, но со редовна примена е возможно. Посебно ми значеше убавиот амбиент и начинот на кој Ана ги води сесиите, создавајќи атмосфера на сигурност и спокој 💕

Е.С.

Среќна сум што бев дел од оваа убава и инспиративна работилница, која беше спој на едукација и несебично споделени информации од страна на Ана, во една опуштена атмосфера и сето тоа заедно со прекрасна група на луге. Побогата сум со знаење за еден малку поинаков пристап на самопомош, баш во ова време на експанзија на емоции, кои имаат голема моќ лесно да не исфрлат од баланс, токму затоа ја препорачувам оваа работилница што јас ја нареков „дружба за душата“.

С.Ц.

Работилницата “Враќање во рамнотежа” за мене беше вистинска работилница во која со помош на Ана успеав да сработам и освестам нов дел од себе. Дел чија свесност ми фалеше и сеуште ми фали, но работилницата беше сосема доволна за да суптилно ме втурне во безбедно патување по алеите на мојот нервен систем. Благодарам за вистински посветеното време. Благодарам што нè виде.

Д.В.

Секој од нас, повеќе или помалку, е во потрага по личното чувство за себе (Sense of Self). Она уникатно, автентично себе-чувство, кое често го губиме во автоматизираниот свет на живеење по социјално пропишаните шеми, калапи и обрасци. Работилницата “Враќање во рамнотежа” ја доживеав како нежен метод на допир со себе. Како интуиција и логика во ист процес. Како “јас” и “другите” на истата сцена. И сето тоа во една безбедна, исклучително пријатна и искрена средина. Искуствата од овој тип, кога формално ќе завршат, можат само да ти недостигаат. Работата на себе, со себе и во себе продолжува во друга форма. Битно е да ја одржиме. ❤️

М.В.

Работилницата ‘Враќање во рамнотежа’ ми помогна да сфатам што се случува со мојот нервен систем кога е преплавен со страв и анксиозност. Научив многу корисни техники на релаксација и корегулација кои ми помагаат многу полесно да се смирувам и да ги контролирам стресот и негативните емоции.

Е.Ш.

Цена на 6 седмичната работилница „Враќање во рамнотежа“

225 € (13.500 МКД)

за рано пријавување до 12ти септември 2024

250 € (15.000 МКД)

за пријавување до 26ти септември 2024

Постои можност за плаќање на 2 рати. Бројот на учесници е ограничен на 6.

Стартуваме на 1ви октомври 2024

ПРИКЛУЧИ СЕ

За да дознаете повеќе информации за оваа работилница, да поставите прашања и да ме запознаете, вклучете се на бесплатниот вебинар „Како да постигнам психолошка рамнотежа на работното место“ ,
кој ќе се одржи на 11ти септември во 19ч.

Регистрирајте се за вебинарот

Следете го Instagram профилот на Sense of Self

Ќе ти ја опишам првата групна средба која најчесто најмногу возбуда предизвикува кај сите, бидејќи ова е првото видување со сите останати. На почетокот на оваа средба ќе посветиме внимание на запознавањето на секој од учесниците и намерите со кои се впушта во ова искуство. Потоа ќе ја стартуваме дискусијата за стресните реакции во телото преку различни вежби, некои од нив се медитативни, некои вклучуваат различни техники на дишење, а основните вежби се потпираат на себеспознавање преку правење на мапи на нашите состојби на нервниот систем. Сесијата продолжува во групна работа или лична и секој си заминува со нова свесност за себе која ја споделува со групата. Секоја средба има слична структура, односно, ја почнуваме, изведуваме и завршуваме на ист начин.

Вашата седмична посветеност на работилницата изгледа вака:

3 часа групна сесија во Sense of Self (од 17.30 – 20.30, секој четврток)
1 час онлајн дискусија со поливагалниот партнер (во времето кое парот ќе си договори)
(15 – 45мин) 1 рефлективна вежба за работа на себе
Секое дополнително време и енергија за прегледување на споделените материјали е опционално и зависи од вашата потреба за повеќе информации

Договорените 6 термини за средба однапред в ги комуницирам. Секојпат кога некој од членовите најавува дека неможе да присуствува (патување, други обврски) на некоја од средбите, со заедники договор во групата бираме следен термин во кој може да ја преместиме таа средба. Целта е никој од вас да не пропушти сесија, бидејќи се само 6, секоја од нив тежи со информации и вежби и работата во група и знаењата што таму ќе се разменат се од најголемо значење и тешко е да се надоместат.

Јасно ми е која ти е грижата околу влегувањето во група, сосема е фер да имаш задршка околу ова. Иако е ова работилница за личен раст и развој и опфаќа интимни прашања воопшто немораш да споделиш ништо што тебе не ти е комотно да го кажеш пред другите. Јас и ти секако ќе се видиме на индивидуална сесија пред да започне работилницата, на која ќе се запознаеме подобро и јас ќе разберам што и на кој начин ти е тебе потребно од работилницата и воедно, колку изложување сакаш. Во група, не е ништо задолжително и самата/самиот ќе дозираш колку сакаш да се впуштиш. Убавото околу работа во група е секогаш неочекуваната количина на поддршка и поврзување на која ќе наидеш од останатите 5 лица кои со скоро идентична потреба како тебе се пријавиле за присуство.

Да, секако, едната на почеток на работилницата во знак на посветување на групата и учеството, а другата кон завршетокот на сесијата, значи во распон од месец и половина. За секоја друга асистенција која ви е потребна околу плаќањето прашајте ме лично и ќе изнајдеме начин на соработка