Како да постигнам психолошка рамнотежа на работно место?

11 септември 2024
19:00 – 20:00 часот

Со овој вебинар ја отворам дискусијата за повеќе свесност за себе во работната средина, а со тоа и за подобро ментално здравје, функционирање и продуктивност на работа. Темата е во тесна поврзаност со нашиот капацитет да се справиме со себе на работа, со обврските, со стресот и со различните карактери со кои соработуваме. Терминот кој го одбрав е постигнување на психолошка рамнотежа на работа, односно, постигнување на состојба во која сме будни, свесни, проценуваме, бираме, продуктивни сме и се грижиме за себе на адекватен начин.

На темава поврзана со потешкотии во функционирањето на работа добивам многу прашања и барања од сите со кои работам и се среќавам. Се радувам кога гледам колку посвесни стануваме сите за својата емоционална интелигенција и колку е таа неопходна за здравје и добар перформанс на работа.

Но, она што беше пресудно за да ја одберам оваа дискусија е она што упорно го среќавам во мојата тераписка пракса, а тоа е дека многу од стресните симптоми на работа не умееме да ги препознаеме, ги доживуваме како непроменлив дел од нашиот карактер и оставаме да тлеат и да ни го намалуваат капацитетот за здравје. Не поминуваме малку саати на работа дневно и воопшто не е сеедно во која состојба го поминуваме тоа време.

На едночасовната сесија ќе разговараме повеќе за:

Знаците на стрес и прегорување на работа кои се очигледни, но и за оние кои не ги забележуваме лесно, а ни одземаат од енергијата и здравјето
Нашата реакција на задачите, колегите, претпоставените, на временските рокови и воопшто на културата во која работиме, односно, чувството на психолошка безбедност на работно место
Начини на кои можеме да се регулираме до подобра психолошка рамнотежа во моментот и долгорочно
Информации за старт на работилница за постигнување на рамнотежа која стартува на крајот на септември

Вебинарот е бесплатен и отворен за секој кој што сака да постигне подобро емоционално здравје на работното место.

Пријавувањето направете го преку пополнување на кусиот формулар: https://forms.gle/oVG7EUFkgucBRdDr6

Во продолжение прегледајте го моето гостување во прилог на СИТЕЛ ТВ на темата на емоционална интелигенција на работното место, со што ја стартував оваа дискусија.