ФОКУС НА СЕБЕ – Месечни онлајн работилници за свесност и промена

Циклус работилници за соочување со секојдневни симптоми на тешки емоции

Пријави се

Идејата за циклусот работилници „Фокус на себе“ произлезе од мојата потреба да бидам редовно присутна и достапна за вас, не само преку терапија, туку и преку отворени дискусии и практични работилници за ментално здравје. Сакав да создадам простор каде секој може лесно да дојде до поддршка, знаење и алатки за справување со секојдневните предизвици. 

Секој месец ќе обработуваме по една тема која произлегува од моето секојдневно искуство во терапијата и од најчестите симптоми со кои клиентите доаѓаат на терапија.

Во таа смисла, овој прв циклус на работилници ќе се осврне на соочување со секојдневни симптоми позади кои стојат силни емоции.  Првите три теми кои ги одбрав се фокусираат на: пасивна агресија, прокрастинација и прекумерно размислување.

Како манифестации во однесувањето, ги доживуваме како карактерни или личносни црти, начини на кои некој се однесува или „таков е“, и нивното вистинска порака се губи негде во овие толкувања:

  • Пасивната агресија во комуникацијата често се доживува како злопаметење, тивка одмазда
  • Кога некој одложува, никако да почне или да заврши со активноста, го обвинуваме дека е просто мрзелив.
  • Тие кои прекумерно размислуваат околу настани, постапки и одлуки ги доживуваме како песимисти.

Ги распознавте и кај себе „дежурните виновници“ во вашите секојдневија? Го попречуваат функционирањето на работа, дома, во релациите со другите и фрустрираат, но всушност, тие се симптоми, секојдневни начини на справување со интензивни емоции. Не се карактерни недостатоци, туку одбранбени механизми што ни сигнализираат дека нешто во нас бара внимание. 

Токму затоа вреди да застанеме, да се запрашаме што има зад нив и да си пружиме поддршка.

Со овој циклус започнуваме заедничко патување кон проширена свесност и лична промена, подлабоко од симптомот. Јас сум тука да ве водам низ овој процес.

1

Работилниците не се поврзани меѓусебно и можете да присуствувате на една, две или на сите три работилници.

  • Пријавувањето за првата и втората работилница е затворено
  • Цената за учество на третата работилница е 1.000 денари
Пријави се

Додатни информации:

  • Работилниците ќе се одржуваат на Zoom. Линк за вклучување добивате на мејл еден ден пред настанот.
  • Секој учесник ќе добие снимка од работилницата која ќе може да ја прегледа подоцна, но најкорисно за вас е присуството во живо за да можете да поставите прашања, во групата или на мене лично во приватна порака.
  • Напомена – поради сензитивноста на темите и дискусиите, за последните 15-20 мин од работилницата предвидени за прашања и дискусии, снимањето е исклучено. 
  • За пријавување, пополнете го формуларот во прилог каде ве чекаат повеќе инструкции за учеството и детали за плаќањето.
Сакам да се пријавам!

Циклус работилници за соочување со секојдневни симптоми на тешки емоции

2
Пријави се

Скриената лутина во комуникацијата – пасивна агресија

Како да си ја препознаеме и трансформираме

  • 17 септември 2025 (среда)
  • од 18:00 до 19:30

Оваа работилница е за тебе ако се препознаваш во следниве ситуации:

  • Често се лутам, но не можам тоа отворено да го кажам.
  • Со иронија или тишина испраќам пораки и потоа се чувствувам виновно.
  • Се согласувам на нешто, но потоа чувствувам лутина или отпор.
  • Луѓето околу мене велат дека не сум јасен/а или дека „играм игри“.
  • Се повлекувам кога треба да се соочам со конфликт.
  • Знам да ги „казнам“ другите со молчење или игнорирање.
  • Сакам да научам да зборувам отворено, без да повредам некого а себеси да се измачувам.

Што ќе научиш:

  • Што е пасивна агресија и како да ги препознаваш моментите кога несвесно ги користиш сопствените пасивно-агресивни обрасци.
  • Како овој начин на однесување се јавува како одбрана.
  • Кои чувства и потреби стојат позади ова однесување и како да ја регулираш својата тензија во моментот.
    Конкретни техники за изразување на незадоволство и поставување граници.
  • Како да создаваш односи со повеќе доверба и искреност.

Цената за учество на работилниците поединечно е 1.000 денари

Пријавување за првата и втората работилница е затворено.

3
Пријави се

Одложувањето како навика – прокрастинација

Како да се справиме со своите блокади

  • 8 октомври 2025 (среда)
  • од 18:00 до 19:30

Дали оваа работилница е за тебе?

  • Секогаш одложувам, дури и кога нешто ми е важно и знам дека одложувањето ќе ми создаде стрес
  • Се чувствувам виновно и заглавено.
    Си велам „утре ќе почнам“, но утре не доаѓа.
  • Чувствувам дека одложувањето ме оддалечува од своите цели и од себе си.
  • Си велам „не сум доволно мотивиран/а“.
  • Често се критикувам дека сум мрзелив/а или недисциплиниран/а.
    Сакам да ја вратам мотивацијата и леснотијата на дејствување, да се „одглавам“

Што ќе научиш:

  • Да ја разликуваш мрзеливоста од прокрастинацијата.
  • Како ја користиме во одбрана од непријатни емоции – страв, перфекционизам, несигурност.
  • Како да се справиш со внатрешниот критичар и да ги намалиш чувствата на вина и срам поврзани со одложување.
  • Алатки за фокус и мали чекори што носат резултат.
  • Како дисциплината да стане грижа за себе, а не притисок.

Цената за учество на работилниците поединечно е 1.000 денари

Пријавување за првата и втората работилница е затворено.

4
Пријави се

Прекумерно размислување и анксиозност

Како да изградиме здрави начини на справување со анксиозноста

  • 5 ноември 2025 (среда)
  • од 18:00 до 19:30

Дали е оваа работилница за тебе:

  • Секогаш си го „враќам филмот“ во глава и не можам да се исклучам.
  • Мал проблем за мене станува огромен, затоа што го анализирам од сите страни.
  • Телото ми е во постојана напнатост и тешко заспивам.
  • Се плашам што ќе биде „ако…“ и не можам да престанам да предвидувам најлоши сценарија.
  • Не можам да го „исклучам“ умот и мислите постојано те исцрпуваат.
  • Колку и да мислам никогаш не сум доволно сигурна/ен во своите одлуки.
  • Сакам да ја вратам смиреноста и довербата во себе.

Што ќе научиш:

  • Како се поврзани анксиозноста и прекумерното размислување.
  • Зошто умот постојано бара сценарија и контрола.
  • Како да изградиш нов однос кон стравот и несигурноста и своите мисли.
  • Како да се смируваш преку телото и дишењето.
  • Начини за повеќе присутност во секојдневието.

Цената за учество на работилниците поединечно е 1.000 денари

Пријавување за првата и втората работилница е затворено.

Сакам да се пријавам!